محاوره بين تركي وفيصل الرياحي ناااااااريه .

السلام عليكم ورحمه الله وبركاته

هذي محاوره عام 2007 قويه بين تركي2000 وفيصل الرياحي ناااااااااااار

تركي

يالرياحي تقدم والمسافه طويله
لين كلن يعرفون القبايل حصيله
وانت طبعا دليله ماتبيلك دليله
واثري من طاوله سقم الليالي غدابه

بيني وبينك علوم طوال وحساب ** وحسابنا فالكثيره والقليله
ياصاحبي كان تعرف قدر الاصحاب ** اللي يبرك له الحمل يشيله

الرياحي

الله بيني وبينك يالكلام المجنح
كم كلام يغيب وكم كلام يسنح
والمطيري على صوت المسيقا ترنح
واثري من طاوله سقم الليالي غدابه

ماني بلعاب انا ماني بلعاب ** بحقوق الاجناب وحقوق القبيله
دقيتلك بالخبت منسااب ** عسى الهبوب الجنوبيه تشيله

تركي

لاتجزع ياهذا الاجودي لاتجزع
وزع من الكلام اللي بالاثبات وزع
وانت طبعا على صوت الممسيقا تهزع
واثري من طاوله سقم الليالي غدابه

مسيلمه لو يطول الوقت كذاب ** ياليلةٍ ماتشابه كل ليله
صاحبك ماعاد عنده غير مشعاب ** للي على شوفته كبده غليله

الرياحي

كان تركي بكى وازرا يشيل الامانه
دمعته عندنا تسوى لها برتكانه
يالعله بحادث مثل حادث ديانه
اثري من طاوله سقم الليالي غدابه

................................ ** ياهل المشاعيب ياخست الفصيله
............................... ** ...................................

تركي

البكا للضعوف اهل العزوم الرديه
ولا انا من عيال مطير ماهوبليه
يمكن انك بكيت ايامك الاوليه
اثري من طاوله سقم الليالي غدابه

ياراعي الكيف جا للكيف شراب ** والهيل ماهو سوات الجنزبيله
احسبك رحت روحت زيد وذياب ** حنا على الارض وطيتنا ثقيله

الرياحي

اولا لاتروح ايسار خلك تيامن
وثانيا لاتحاول ترتفع وانت طامن
وثالثا غابنينك قبل يوم التغابن
واثري من طواله شقم الليالي غدابه

لا والله الا نشبت بشبك الانشاب ** ماعاد لك ياطويل العمر حيله
يا مكثر الناس لاودا ولا جاب ** حنا هل الوجه الابيض والجميله

تركي

اولا روح دور فتربه رقم شاغر
وثانيا لاتفاغر خل عنك المفاغر
وثالثا لاتكيبر وانت بالحجم صاغر
اثري من طاوله سقم الليالي غدابه

الا انت وش موقعك قلي فالاعراب ** مالك ومال الامور المستحيله
ياهاجسي طاب بالي والسهر طاب ** لكن بعض السوالف ويش هيله

الرياحي

رابعا هيا هيا كل ماقلنا هيا
وخامسا خلك بضل النشاما تفيا
وسادسا ماعليك الا تسلم هنيا
واثري من طاوله سقم الليالي غدابه

اللي بليا شنب ويخاوي الاشناب ** لابد يشتال حاجاتٍ ماهيله
شاعر صغيَر كذا ناعم وجذاب ** الله يخليه لمه يا حليله

تركي

سابعا ياعسى الله يالرياحي يعينك
وثامنا مالك الا الكحل في وسط عينك
وتاسعا طيعني لاهنت وارفع يدينك
اثري من طاوله سقم الليالي غدابه

الروس ياقوم ماترجع للاذناب ** والسيل مجراه دايم مع مسيله
شوفوا خدود الرياحي ياللاعجاب ** وجهٍ على الكيف وعيونٍ كحيله

الرياحي

الا ياتركي اقوللك يابني تدلل
انا والله ما اريدك في صفوف المهبل
الله يرزقك باللي يمسكك ويتجمل
اثري من طاوله سقم الليالي غدابه

الداب فيه القشر والسم بالداب ** الله يلقيك ديبانٍ طويله
وان كان ونك ولد للخيل ركاب ** هيا تخيَر من الحصن الاصيله

تركي

انت منتا بلا شايب ولا في شبابك
وعن حضورك يعلم يالرياحي غيابك
مير بالله قلي كم ذيبٍ سرابك
اثري من طاوله سقم الليالي غدابه

يمك جميع الجمال اتعوج الارقاب ** ياواحدٍ شب ناره في شليله
ياطيبها لو علاك تقفل الباب ** قدام فوقك تضويلك فشيله

الرياحي

انت انسان طيب برجوازي مهذب
لاحرام انك تعاني هموم وتعذب
لاتجذب على ريح الدسم لاتجذب
واثري من طاوله سقم الليالي غدابه

المشكله لاطلع جاهل ونصاب ** عند الرياجيل مايسوى بليله
البرد ماعاد رده ثقل الاسلاب ** عانوا تريكي تراعد عزتيله

تركي

انت وصفك فريد من الوصوف الفريده
ويمكن تميز ويش معنى القصيده
صورتك ذكرتني صورةٍ فالجريده
اثري من طاوله سقم الليالي غدابه

الضن في صاحبي ياصحابنا خاب ** والزند قداح في خشم الفتيله